အဖွဲ့ဝင်ဖိတ်ခေါ်ခြင်း
အဖွဲ့ဝင် ဖိတ်ခေါ်ရာတွင် နှစ်မျိုးခွဲ၍ ဖိတ်ခေါ်ပါသည်။ ပထမတစ်ခုမှာ အမြဲတမ်း အဖွဲ့ဝင် ဖြစ်ပြီး၊ ဒုတိယ တစ်ခုမှာ ပုံမှန်အဖွဲ့ဝင် ဖြစ်ပါသည်။ အမြဲတမ်း အဖွဲ့ဝင်ဆိုသည်မှာ သတ်မှတ်ထားသော အဖွဲ့၏ ရန်ပုံငွေအား လစဉ်ပုံမှန် ထည့်ဝင်ပြီး၊ အဖွဲ့ လုပ်ငန်း အားလုံးတို့တွင် မိမိ တတ်နိုင်သရွှေ့ လုပ်ကိုင်ပေးခြင်း (သို့) အကြံဥာဏ်ပေးခြင်း စသော လုပ်ငန်းများကို လုပ်ကိုင်ပေးသော အဖွဲ့ဝင် ကိုဆိုလိုပါသည်။ ပုံမှန်အဖွဲ့ဝင် ဆိုသည်မှာ အဖွဲ့၏ရန်ပုံငွေအား ပုံမှန်မထည့်ဝင်ပဲ၊ မိမိတတ်နိုင် သောအခါတွင်မှသာ မိမိဆန္ဒ ရှိသလောက်အား ထည့်ဝင်မည်ဖြစ်ပြီး၊ အဖွဲ့၏ လုပ်ငန်းများနှင့် ပက်သက်၍လည်း မိမိ တတ်နိုင်သော အချိန်တွင် ကူညီလုပ်ကိုင် ပေးမည် ဖြစ်ပါသည်။ကျွန်တော်တို့ အနေဖြင့် ယင်းကဲ့သို့ အဖွဲ့ဝင်အား နှစ်မျိုးခွဲ၍ ဖ်ိတ်ခေါ်ရခြင်းမှာ အကြောင်းရှိပါသည်။ အဖွဲ့နှင့်ပက်သက်၍ ငွေကြေးအားဖြင့် ဖြစ်စေ၊ လူအားဖြင့် ဖြစ်စေ ပုံမှန် အကူအညီပေးနိုင်သော လူများရှိသကဲ့သို့၊ အခြေအနေ အကြောင်း၊ ကြောင်းအရ ဆန္ဒရှိသော်လည်း မလုပ်နိုင်သော လူများလည်း ရှိမည် ဖြစ်ပါသည်။ သို့ဖြစ်၍ ငွေကြေး အားဖြင့် ဖြစ်စေ၊လူအား ဖြင့်ဖြစ်စေ ပုံမှန် လုပ်ပေးနိုင်သော လူများအား အမြဲတမ်း အဖွဲ့ဝင် အနေဖြင့် ဖိတ်ခေါ်ရခြင်း ဖြစ်ပြီး၊ မိမိ တတ်နိုင်သမျှအား မိမိတတ်နိုင်သော အချိန်တွင် လုပ်ကိုင် ပေးချင်သော လူများအား ပုံမှန်အဖွဲ့ဝင် အနေဖြင့် ဖိတ်ခေါ်ရခြင်း ဖြစ်ပါသည်။
သို့သော် အမြဲတမ်းအဖွဲ့ဝင်ဖြစ်စေ၊ ပုံမှန်အဖွဲ့ဝင်ဖြစ်စေ ကျွန်တော် တို့အားလုံးသည် “မွန်မြတ်သော ရည်ရွယ်ချက်ဖြင့် မွန်မြတ်သောအလုပ်တစ်ခုအား လုပ်ကိုင်ပေးလိုသည်” ဟူသော တူညီသော ခေါင်းစဉ်တစ်ခု အောက်တွင်သာ ရှိကြသော လူများ ဖြစ်ကြပါသည်။ သို့ဖြစ်၍ ကျွန်တော်တို့ အနေဖြင့် အားလုံးကို လှိုက်လှဲစွာ ဖိတ်ခေါ် အပ်ပါသည်။အဓိက ရည်ရွယ်ချက်မှာ ချို့တဲ့သော ညီငယ်၊ ညီမငယ် များအား မိမိတို့ တတ်စွမ်း နိုင်သလောက် အကူအညီ ပေးလိုခြင်းသာ ဖြစ်ပါသည်။
မှတ်ချက်။ ။ လက်ရှိ အချိန်တွင် အဖွဲ့၏ရန်ပုံငွေအား တစ်လလျှင် တစ်သောင်းသာ သတ်မှတ် ထားရှိပါသည်။
0 Comments:
Post a Comment